Австралияда жеті тонналық манго жоғалып кетті - ФОТО
АСТАНА. ҚазАқпарат - Австралияның Квинсленд штатындағы Боуэн қаласында 10 метрлік манго скульптурасы жоғалып кетті. Бұл туралы Agence France-Presse хабарлады.
Ескерткіш туристерге арналған ақпараттық орталықтың алдында тұрған. Осы орталықтың басшысы Пол Маклафлиннің айтуынша, алып «жемісті» кеше түнде ауыр техниканың көмегімен жөндеген болатын. Алайда оны қайда алып кеткендері белгісіз. Бірақ Маклафлин ескерткіштің табылатынына сенімді.
Facebook-те осы оқиғаға байланысты арнайы қауымдастық та құрылып үлгерген. Онда мангоны тазалау кезіндегі бейнежазбалар жүктелді. Солардың бірінде автокранды басқарып отырған негізгі күдікті де бар көрінеді.
Алып манго 2002 жылы орнатылған. Оның құны 90 мың АҚШ доллары болған. Ол - Австралия жерінде орнатылған 150 алып скульптураның бірі. Олардың арасында алып банан, коала және ананас бар.
