Австралиядағы орман өрттері: адамдар мұхитқа қашып жан сақтауда
АСТАНА. 7 қаңтар. ҚазАқпарат - Австралиядағы орман өрттері қазірдің өзінде жүзден астам үйді жалмады. Құтқару командалары орман өрттері жайлаған Тасмания аралдарында із-түзсіз жоғалған адамдарды іздестіруде, деп хабарлады Би-Би-си.
Көптеген туристер мен жергілікті тұрғындар от қоршауында қалды. Қасіретке ұшырғандардың нақты саны беймәлім, дегенмен, өкімет орындарының мәліметтеріне қарағанда, мыңға тарта адам тап болған. Кейбір жағажайлар аузы-мұрнынан шығып толған: бірқатар жерлерде жалын тілі жағалауға жақындап қалды, адамдар мұхитқа қашып жан сақтауда. Куәгерлердің айтуынша, жалынның биіктігі он метрге жетті, ағаштар от-шашу тәрізді ұшқын атып жанып жатыр.
Австралия құрлығында орман өрттері бой бермей тұр. Оның себебі - елдің оңтүстігіндегі бұрын-соңды болмаған аптап ыстық.
Өрт сөндірушілер жақын уақыттарда ауаның температурасы төмендеп, желдің жылдамдығы бәсеңдейді деген синоптиктердің болжамына үміттеніп отыр.
