Австралиялық есепшотына аударылып кеткен 88 млн долларды банкке қайтып берді

АСТАНА. ҚазАқпарат - Мельбурндік Мэттью Пирс мобильдік банкингідегі есепшотынан 123 миллион Австралия долларын ($88,4 млн) көрген. Жүйе ол ақшаны кез келген жерге аударуға, төлем жасауға мүмкіндік береді.

Алайда азамат бұл оқиға жайында банкке хабарлаған.

Commonwealth Bank қызметкерлері оқиғаны естіп тек күліп қоя салған. Екі аптаға дейін қомақты қаржы туралы есепшот иесін ешкім мазаламаған.

Тек содан кейін ғана банктің басқа қызметкері хабарласып, бұл банк жүйесіндегі ақау салдарынан орын алғанын мәлімдеген.

Қазір банк әкімшілігі қомақты соманың жеке адамға аударылып кетуін тексеріп жатыр.