Австралиялық футболшыға жай түсіп, ауруханада көз жұмды
АСТАНА. ҚазАқпарат - Малайзиялық «Мелака Юнайтед» клубының қақпашысы, австралиялық футболшы Стефан Петровски найзағай ұрып, ауруханада қайтыс болды.
Бұл туралы Lenta.ru. хабарлады.
5 сәуірде 18 жастағы спортшыны футбол алаңында найзағай соқты. Петровски бірден шұғыл бөлімшеге, артынша одан әрі ем қабылдау үшін қарқынды терапия палатасына ауыстырылған.
Петровскидің клубындағы 21 жастағы қорғаушы Мухда Афика Азуананы да найзағай ұрды. Бірақ ол аман қалды, қазір жағдайы тұрақталып келеді.
Оқиға кезінде алаңда 29 адам болған, олардың ешбірі зардап шеккен жоқ.
Фото: nst.com.my
