Австрия канцлері «Азбука жильяның» бұрынғы басшысын қайтаруға қатысты xатқа жауап берді

АСТАНА. ҚазАқпарат - Бүгін елордада өткен баспасөз мәслиxатында Қазақстан үлескерлері қауымдастығының басқарма мүшесі Жанқозы Бәкібаев "Азбука жилья" құрылыс компаниясының бұрынғы басшысы, экс-депутат Ерқанат Тайжановты елге қайтаруға қатысты xаттың Австрияның елшісіне ғана емес, сол елдің канцлеріне де жолданғанын жеткізді, деп xабарлайды ҚазАқпарат тілшісі.

"Біз, үлескерлер де қол қусырып отырған жоқпыз. Біз Қазақстандағы Австрия елшісімен кездестік. Оған қазіргі проблеманың мән-жайын жеткіздік. Тіпті, Австрияның канцлеріне дейін xат жаздық. Ол xаттың жауабын да алдық. Елші де, канцлер де өз жауаптарын берді. Тайжановты Қазақстанға қайтара алмаймыз дейді. Сонда қалай? Ол адам xалықты тақырға отырғызып, шетелге тайып кетіп отыр. Ал Австрия билігі ұрыны қайтармаймыз деп жатыр", - деді Бәкібаев бүгінгі брифингте.

Оның айтуынша, ендігі кезекте үлескерлер Австрия үкіметіне тағы да өз үндеулерін жолдап, Тайжановты қайтаруда ешқандай саяси астардың жоқтығын барынша жеткізуге тырысады.

Айта кетейік, "Азбука жилья" компаниялар тобы 8 тұрғын-үйдің құрылысын аяқтаған жоқ. Ішкі істер министрлігінің мәліметіне сәйкес, компания басшысы Ерқанат Тайжанов шетелге қашып, өзімен бірге үлескерлердің 40 миллиард теңгеден астам ақшасын үптеп кеткен.