Автобус жүк көлігімен соқтығысып, 5 жолаушы ажал құшты
АСТАНА. ҚазАқпарат - Аргентинада жолаушылар автобусы жүк көлігімен соқтығысып қалды, апат салдарынан бес адам қаза болып, 20 жолаушы жарақаттанған.
Жергілікті БАҚ хабарлағандай, апат Санта-Фе провинциясындағы Сусан елді мекенінің маңындағы тас жолда орын алды. Қақтығысқан кезде автобуста Буэнос-Айреске бет алған 60 жолаушы болған.
Зардап шеккендерге медициналық көмек көрсетіліп жатыр. Жол-көлік оқиғасының себептері анықталуда, деп хабарлайды ИТАР-ТАСС.
