Аягөзде жарық толық қалпына келтірілді

АСТАНА. KAZINFORM — Аягөз ауданындағы электр энергиясын қалпына келтіру жұмысы сәтті аяқталды, деп хабарлайды Абай облысы әкімдігі.

Қалпына келтіру жұмысына барлығы 40-қа жуық маман, сондай-ақ қажетті техника жұмылдырылды. 

— Қазіргі уақытта барлық ауылдық округтер мен Аягөз қаласы электр энергиясымен толық қамтамасыз етілген, — делінген хабарламада.

Еске салсақ, бұған дейін 16 қазан күні сағат 15:00-де Аягөздегі жылумен жабдықтау желісінде апат болды.

Кеше кешке қалпына келтіру жұмыстарына қарамастан Абай облысындағы Аягөз қаласы мен Мамырсу ауылы әлі жарықсыз отырғаны хабарланды.