Аяғын жарақаттап алған Шарапова АҚШ-тағы WTA турнирінен шығып қалды
АСТАНА. ҚазАқпарат - Мария Шарапова америкалық Цинциннати қаласында өтетін Әйелдер теннисі қауымдастығы (Women's Tennis Association, WTA) турнирінен оң аяғының жарақаттануы салдарынан шығып қалды.
Әлемдік WTA рейтингінде екінші орында келе жатқан ресейлік турнирдің екінші айналымында АҚШ өкілі Варвара Лепченкомен кездесуі тиіс болатын.
Аяғын зақымдап алған Шарапова бұдан бұрын Канаданың Торонто қаласында өткен турнирді де жалғастыра алмаған еді. Ресей Теннис федерациясының президенті Шамиль Тарпищевтің айтуынша, Марияның жарақаты аса ауыр емес, тек аяғының сіңірлері созылған.
