Аяз: Шығыс Қазақстанда бірнеше жолда көлік қозғалысы шектеледі
Шығыс Қазақстан облысында күн күрт суытуына байланысты бірнеше жолда көлік қозғалысы шектеледі, деп хабарлайды Kazinform.
ШҚО Төтенше жағдайлар департаментінің мәліметіне сүйенсек, 15 желтоқсанда сағат 21.00-ден бастап республикалық маңызы бар 2 тасжолда қоғамдық көліктердің және дизельмен жүретін автокөліктердің қозғалысына тыйым салынады.
«Атап айтқанда, «Өскемен-Шемонаиха-Ресей Федерациясының шекарасы» тасжолының 15-102 шақырымында, «Өскемен-Алтай-Үлкен Нарын-Катонқарағай-Рахман қайнарлары» тасжолының 6-166 шақырымында шектеу енгізілді», - делінген ақпаратта.
Сондай-ақ дәл осындай көлік түрлеріне облыстық маңызы бар «Шемонаиха-Секисовка» тасжолының 0-54 шақырымында сағат 19.00-ден бастап қозғалысқа тыйым салынады.
