Аязға байланысты ШҚО-ның бірқатар өңірінде оқушылар үйден оқиды

ӨСКЕМЕН. ҚазАқпарат – Шығыс Қазақстан облысы Білім басқармасының мәліметінше, 1 ақпан күні аязға байланысты бірқатар өңірде бірінші ауысым оқушылары үйден оқиды, деп хабарлайды ҚазАқпарат.

Атап айтқанда, Күршім ауданы Күршім ауылының Шанағатты, Сарыөлең, Алғабас орта мектептері; Катонқарағай ауданындағы Жаңа Хайрузовка, Коробиха, Барлық, Аққайнар, Солоновка, Жұлдыз, Кіші Нарын орта мектептері; Самар ауданы Самар ауылының Сарыбел орта мектебі 0-4 сынып оқушыларын қашықтан оқуға көшіреді.

Сондай-ақ Күрші ауданының Ұрынхай, Тосқайың орта мектептерінің; Алтай ауданының Чапаев және М.Бекетов атындағы орта мектептерінің 0-9 сыныптары онлайнға білім беруге ауыстырылды.