Әйел 9 мың метр биіктікте босанды
АСТАНА. ҚазАқпарат - Бали - Лос-Анджелес бағытымен ұшқан China Airlines компаниясы рейсінің жолсеріктері өздерін акушерлер рөлінде көруіне тура келді, деп жазады ВВС.
Ұшу кезінде тайваньдық жолаушы жүкті әйелдің толғағы мерзімінен бірнеше апта бұрын басталған.
Әйелдің бағына қарай, әуе кемесінің бортында Балиден демалып келе жатқан дәрігер оны аман-есен босандырды.
Ұшақтың Аляскада шұғыл қонуына тура келді. Әйел мен нәресте өздерін жақсы сезінуде.
