Әзербайжан халықаралық банкіндегі қайта құрылымдау шаралары еншілес банктерге әсер етпейді
АСТАНА. ҚазАқпарат - Әзербайжан халықаралық банкінің валюталық міндеттемелерінің қайта құрылымдалу үрдісі «МБА-Мәскеу» және «МБА-Грузия» еншілес банктеріне әсер етпейді, деп хабарлайды trend.az.
«Екі еншілес банктің шетелдік міндеттемелері жоқ және бұл банктер өздері жұмыс істеп жатқан елдің барлық нормативтік реттеу талаптарын сақтауда. «МБА-Мәскеу» және «МБА-Грузия» банктерінің қаржылық көрсеткіштері Ресей мен Грузия Орталық банктерінің барлық талаптарын айтарлықтай жоғары деңгейде жүзеге асыруда. Екі банк те өз клиенттері алдындағы міндеттемелерін адал орындап келеді», - деп түсіндірді Әзербайжан халықаралық банкі.
Әзербайжан халықаралық банкі 1992 жылдан бері жұмыс істеп келеді және елдің ең ірі екі мемлекеттік банкінің бірі саналады. «МБА-Мәскеу» банкі 2002 жылы құрылса, «МБА-Грузия» банкінің негізі 2006 жылы қаланды.
