Әзербайжан тұрғындарының 30 проценті темекі тартады
БАКУ. ҚазАқпарат - Әзербайжанда халықтың 15 жастан жоғары 33,1 проценті шылым шегеді. Бұл туралы ҚазАқпарат Trend-ке сілтеме жасап хабарлайды.
2017 жылғы зерттеуге сәйкес, мұндай көрсеткіштер толықтай ер адамдарға қатысты (темекі шегетін әйелдердің аз болуына байланысты олардың саны көрсетілмеген).
Темекі тартатындардың 0,1 проценті - 15-19 жас аралығында, 26,4 проценті - 20-44 жас, 50 проценті - 45-64 жас аралығында, 36 проценті - 65 жастан жоғары. Сондай-ақ, темекі шегетін әйелдер орта есеппен күніне 3 темекі, ерлер - 15,2 темекі тартады.
