Әзербайжанда 18 мамырдан «Спутник V» вакцинасы салына бастайды
БАКУ. ҚазАқпарат – 18 мамырдан бастап Әзербайжан азаматтары коронавирусқа қарсы ресейлік «Спутник V» вакцинасын салдыра алады, деп хабарлайды ҚазАқпарат елдің денсаулық сақтау министрлігіне сілтеме жасап.
Жалпы, елге бірінші кезеңде 2 млн астам вакцина жеткізілді: 40 мың «Спутник V» дозасы, 84 мың AstraZeneca дозасы және 1 млн 713 мың CoronaVac дозасы.
Бүгінгі таңда Әзербайжанда халықтың шамамен 7,5% вакцина алды. 18 қаңтардан бастап елде вакцинаның 1 795 049 дозасы қолданылды: біріншісін 1 032 054 адам алса, екеуін де алғандар саны – 766 689.
Жалпы, халықты вакциналау аясында Әзербайжандағы эпидемиологиялық жағдай соңғы күндері оң динамиканы көрсетуде. Соңғы тәулікте COVID-19 жұқтырудың 426 жаңа жағдайы анықталды, ал өткен жылдың желтоқсан айында бұдан 10 есе көп жағдай тіркелген болатын.
Серікбол Қошмағамбетов
