Әзербайжанда коронавирус жұқтырғандардың саны артып барады
БАКУ. ҚазАқпарат – Ел Үкіметінің жанындағы Жедел штаб таратқан мәліметтерге сәйкес, соңғы тәулікте Әзербайжанда COVID-19 вирусын 233 адам жұқтырған, деп хабарлайды «ҚазАқпарат» агенттігінің меншікті тілшісі.
Коронавирус жұқтырғандардан бөлек, бір тәулікте 106 адам ерекше режимдегі ауруханалардан жазылып шыққан. Сонымен қатар осы аралықта індетке шалдыққан 3 адам көз жұмған.
Осылайша бүгінгі таңда Әзербайжанда коронавирус жұқтырған азаматтардың жалпы саны 41752 адамға жетті. Олардың 39235-ы жазылып шықса, 608-і қайтыс болған. 1909 адам арнайы медициналық ұйымдарда емін жалғастыруда.
Індет басталғалы бері Әзербайжанда коронавирус инфекциясын анықтау үшін 1 млн 169 мың 656 тест жүргізілген. Соңғыі аптада елде COVID-19 жұқтыру жағдайлары артып бара жатқаны байқалады.
Авторы: Бекбау Тайманов
