Әзербайжанда оппозициялық көзқарастағы журналиске елден шығуға тыйым салынды
АСТАНА. ҚазАқпарат - Әзербайжанның Бас прокуратурасы танымал билік сыншысы, журналист Хадиджа Исмаиловаға елден шығуға тыйым салды, деп хабарлады ВВС.
Х.Исмаилова «Фейсбук» әлеуметтік желісіндегі жеке парақшасында Чехияда өтетін халықаралық конференцияға кетіп бара жатқанда шекарада ұсталғанын хабарлады.
Хадиджа Исмаилова «Азат Еуропа» радиосының әзербайжандық қызметімен байланыста. Ол бұған дейін де 4 қазан күні Баку аэропортында Страсбургте өткен Еуропа кеңесінің Парламенттің ассамблеясынан келе жатқанда ұсталған болатын.
