Әзербайжандағы әскери бөлімшедегі жарылыс: қаза тапқандар бар
БАКУ. ҚазАқпарат - Сенбі күні таңертең Әзербайжандағы әскери бөлімшелердің бірінде оқыс оқиға болды, деп хабарлайды «ҚазАқпарат» ХАА Trend агенттігіне сілтеме жасап.
Әзербайжан Қорғаныс министрлігінің мәлімдеуінше, әскери қызметші танк снарядының зарядын қолынан түсіріп алып, жарылыс болған. Апат салдарынан екі әскери қызметші - прапорщик Агаларов Амиддин Шахмалы оғлы мен кіші сержант Салахов Самир Чингиз оңлы қаза тапты.
Сондай-ақ жарылыстан тағы бір прапорщик Мамедов Нұрлан Рагим оғлы жараланған.
Қазір оқыс оқиғаға қатысты егжей-тегжейлі тексеріс жүріп жатыр.
