Әзербайжандағы турнирде қазақстандық боксшылар 5 медаль еншіледі
НҰР-СҰЛТАН. ҚазАқпарат - Әзербайжанда бокстан жасөспірімдер арасындағы халықаралық турнир аяқталды. «Президент Гейдар Әлиев кубогы» жолындағы бәсекеге Қазақстан атынан он боксшы қатысты, деп хабарлайды Olympic.kz.
63 келіде жұдырықтасқан Тоқтасын Бабаханов турнир жеңімпазы атанса, Ислам Мақашев (54 келі), Елнұр Сүйінбай (57 келі) және Нұрдос Қуаныштың (75 келі) еншісінде күміс медаль бар.
80 келідегі Жанболат Ғалымов тұғырдың үшінші сатысынан көрінді.
