Әзербайжандық Грузияға екі келіден астам алтын алып өтпек болған
АСТАНА. ҚазАқпарат - Грузиндік шекарашылар Әзербайжанмен шекарадан салмағы 2,202 келі болатын алтын құйманы заңсыз алып өтпекші болған контрабандашыны ұстады.
Бұл туралы Грузия қаржы министрлігі кірістер қызметі хабарлады.
Декларацияланбаған алтын жеке тексеру кезінде табылды. Контрабандалық тауардың жалпы құны 53 мың долларды құраған. 
