Әзербайжанның Генже қаласындағы зымыран атқылауынан 9 адам қайтыс болды
ГЕНЖЕ. AZƏRTAC-ҚазАқпарат – Әзербайжанның Генже қаласында зымыраннан қираған нысанда іздеу-құтқару жұмыстары аяқталды, деп хабарлайды ҚазАқпарат.
AZƏRTAC агенттігінің хабарлауынша, зымыран нысанға 2020 жылдың 11 қазанында сағат түнгі екі кезінде түскен.
Әзербайжан Республикасының Төтенше жағдайлар министрлігі құтқарушылардың ол жерден 17 адамды алып шыққанын, оның 9-ы қайтыс болғанын хабарлайды.
Оқиға орнында жұмыс істеп жатқан жауапты ведомстволар қираған нысанның астында ешкімнің қалмағанын, іздеу-құтқару жұмыстары аяқталғанын жария етті.
Еске салайық, Әзербайжан мен Армения бұған дейін уақытша ұрысты тоқтату туралы келісім жасаған еді.
