Азиада-2018: Қазақстан қоржынына екінші «күміс» түсті
АСТАНА.ҚазАқпарат - Қазақстандық балуан Жұлдыз Ешімова Индонезияда өтіп жатқан Жазғы Азия ойындарында күміс медаль жеңіп алды, деп хабарлайды ҚазАқпарат тілшісі.
Азия ойындары ақпараттық сайтындағы деректерге сәйкес, 53 келіге дейінгі салмақ дәрежесінде сынға түскен Жұлдыз Ешімова ақтық сында Солтүстік Корея өкілі Пак Юнг Миден 11:0 есебімен жеңіліп, Қазақстан қоржынына екінші «күміс» салды.
Алғашқы жарыс күнінің қорытындысы бойынша, Қазақстан құрамасы алты медалмен жалпы есепте Өзбекстанмен қатар оныншы орынға жайғасты.
