Азиада-2018: Волейболшы қыздарымыз Қытайдан ойсырай ұтылды
АСТАНА. ҚазАқпарат - Бүгін Индонезия астанасы Жакарта қаласында өтіп жатқан Азия ойындарында волейболшы қыздарымыз Қытайдан ойсырай ұтылды, деп хабарлайды ҚазАқпарат тілшісі.
ҚР ҰОК баспасөз қызметі мәлім еткендей, волейболдан Қазақстан әйелдер командасы Азия ойындарының аясында Қытай командасымен кездесіп, жеңіліске ұшырады.
Волейболшы қыздар Қытайға 0:3 есебімен жол берді.
Үш партияның қорытындысы: 25:14, 25:15. 25:11
Қытай мен Оңтүстік Кореяны алға жіберген Қазақстан командасы «В» тобында үшінші орында келеді.
Айта кетейік, қәзіргі уақытта Қазақстан құрамасы 4 алтын, 7 күміс және 26 қола медалмен, жалпы есепте 11-орында келеді.
