АЗИАДА: Мәнерлеп сырғанаудан қазақстандық жұп төртінші орынға ие болды

АНА. 6 ақпан. ҚазАқпарат /Арман Асқаров/ - Кеше 7-Қысқы Азия ойындары аясындағы мәнерлеп сырғанау бойынша мұз айдынындағы биді орындаған қазақстандық жұп - Виктор Адонев пен Виктория Кучеренко 102.7 ұпай жинап, қазылар алқасының шешімімен төртінші орынға ие болды.

Бұл бағдарламада 129.7 ұпаймен қытайлық Ксун Ченг пен Ксинтонг Хуанг бас жүлдеге ие болып, алтыннан алқа тақты. Екінші орында жапонялық Крис Рид және Кжти Рид (128.2), ал үшінші орынды қытайлық жұп Чен Ванг пен Ксиайанг Йо (127.5) еншіледі.