Азиада: Стенд атудан қазақстандық көш бастады
АСТАНА. ҚазАқпарат - Бүгін Азия ойындарында спорттың бірнеше түрінен қазақстандық атлеттер сынға түсуде. Бұл туралы ҚазАқпарат ҰОК сайтына сілтеме жасап хабарлайды.
Стенд атудан трап бағдарламасы бойынша бақ сынаған Мария Дмитриенко іріктеу кезеңінде бірінші орынға шықты. Ол 49 ұпай жинаған.
Ал Анастасия Давыдова 19-орында.
Нысана көздеушілер де Азия ойындарын бастап кетті. 10 метрге винтовкамен атудан сынға түскен Клейменов/Староситан жұбы 11-орын иеленіп, келесі кезеңге өте алмады.
