Азиадаға орай Астанаға Қазақстанның үш облысынан төтенше жағдайлар министрлігінің қосымша күштері шақырылып отыр
АСТАНА. 28 қаңтар. ҚазАқпарат /Жанна Қорқытова/ - Төтенше жағдайлар министрлігінің жеке құрамы 7-7-Қысқы Азия ойындарының өткізілуіне дайын,
деп хабарлады ведомствоның баспасөз қызметінен.
«Ақмола, Павлодар және Қарағанды облыстарынан келген Төтенше жағдайлар министрлігінің күштері мен Астана қаласының Төтенше жағдайлар жөніндегі департаменті 7-Қысқы Азия ойындары кезінде кезекшілік атқаруға әзір», - делінген министрліктің ресми хабарламасында.
Азиада кезінде тәулік бойы кезекшілік атқаратын жеке құрамның жалпы саны - 279 адам, сондай-ақ кезекшілікке 40 өрт сөндіру және арнайы техникасы, оның ішінде бір тікұшақ тартылып отыр.
Естеріңізге сала кетейік, Төтенше жағдайлар министрлігінің барлық құрылымдық бөлімдері Азиада күндері күшейтілген жұмыс режіміне ауысады.
