11:31, 03 Ақпан 2009 | GMT +5
Әзірбайжанда экологиялық курорт салынады
БАКУ. Ақпанның 3-і. ҚазАқпарат /Арнұр Мұхаметкәрім/ - Бакуге жақын жерде орналасқан Беюк Зиря аралында 1 миллион шаршы метр аумаққа дәстүрлі энергия көздерін тұтынбайтын экологиялық курорт кешенін салу жоспарланып отыр,

деп хабарлайды ҚазАқпарат. Демалыс аумағының «экологиялық» қасиеті сол, арал аумағындағы атмосферада көмірсутек қалдықтары болмайды. Курорттағы орын-жайларды жылыту мен желдетуге қажетті энергия балама көздерден ? күн сәулесінен, су мен желден өндірілетін болады. Жобаға сәйкес, курорт Әзірбайжанның жеті тау шыңы түрінде тұрғызылған және аралдың табиғи рельефімен үйлесетін кешендерден тұратын болады. Аралда сондай-ақ 300 вилла, гольф-клуб, жағажай кешені, басқа да нысандар бой көтереді.