Азия чемпионатында үш спортшымыз жеңіс тұғырына көтерілді
АСТАНА. KAZINFORM – Филиппиннің Нью-Кларк-Сити қаласында су спорты түрлерінен өтіп жатқан XI Азия чемпионатында Қазақстан құрамасының көшбасшылары Әділбек Мусин, Софья Сподаренко және Егор Попов алтын медаль иегері атанды.
Алтын жүлдені еншілеген Әділбек Мусин мен Софья Сподаренко 50 метрге баттерфляй әдісімен жүзуде Азия рекордын жаңартты. Сондай-ақ бүгін тағы В тобында ерлер арасында 200 метрге шалқалай жүзуден қазақстандық Егор Попов жеңіске жетті. Бұл сында екінші, үшінші орындарды Үндістан спортшылары өзара бөлісті.
Жүзу. Ерлер. А тобы. 50 м баттерфляй
1-орын – Қазақстан - Әділбек Мусин - 23.40 (Азия чемпионатының рекорды)
2-орын - Өзбекстан - 23.59
3-орын - Вьетнам - 24.12
Жүзу. Әйелдер. А тобы. 50 м баттерфляй
1-орын – Қазақстан Софья Сподаренко - 26:42 (Азия чемпионатының рекорды)
2-орын - Таиланд - 26:50
3-орын - Вьетнам - 27.90
