Азия чемпионаты: Қазақ волейболшылары жарыс қожайындарын қапы қалдырды
АСТАНА. ҚазАқпарат - Индонезиялық Сурабаяда ерлер командалары арасында волейболдан өтіп жатқан Азия чемпионатында отандастарымыз жарыс қожайындарын қапы қалдырып, екінші жеңістеріне қол жеткізді, деп хабарлайды ҚазАқпарат тілшісі.
«А» тобында сынға түсіп жатқан жерлестеріміз екінші ойында алаң иелері Индонезиямен кездесіп, қарсыластарын 3:2 есебімен ұтып кетті. Енді Қазақстан құрамасы топтық кезеңнің үшінші ойынын осы топтағы екінші ойында Катар құрамасынан 3:0 есебімен ұтылған Сауд Арабиясымен өткізеді.
Естеріңізге сала кетейік, Қазақстан құрамасы турнирдің бірінші матчында партия бойынша 2:0 есебімен Катар командасынан басым түскен болатын.
