Азия миллионерлер саны жағынан Солтүстік Америкадан озды
АСТАНА. ҚазАқпарат - Оңтүстік Шығыс Азия миллионер адамдардың саны жағынан Солтүстік Америкадан озды. Бұл туралы Capgemini консалтинг компаниясы мен RBC Wealth Management компаниясының ғаламшардың түрлі бөліктеріндегі адамдардың әл-ауқаты туралы құрастырған есебіндегі мәліметтер куәландырып отыр.
Азия-тынық мұхиты аймағындағы миллионерлер саны 4,69 млн. адамды, ал Солтүстік Америкада - 4,68 млн. адамды құраған.
Зерттеу желтоқсан мен ақпан айлары кезеңінде өткізілді, сондықтан биылғы жылдың шілдесінде Қытай қор биржаларының құлауы оның қорытындыларына әсер еткен жоқ.
«Бірнеше айдан кейін біз оның Қытайдағы әл-ауқат өсіміне қалай әсер еткенін білетін боламыз», - деді Capgemini стратегиялық талдау тобының басшысы Дэвид Уилсон.
Оңтүстік Шығыс Азия Солтүстік Америкадан миллионерлер саны жағынан 2011 жылы да озған болатын.
