Азия ойындары: Асланбек Шымбергенов алғашқы жекпе-жегін сәтті өткізді

Бокстан Қазақстан құрамасының капитаны Асланбек Шымбергенов (71 келі) Қытайдың Ханчжоу қаласында өтіп жатқан XIX жазғы Азия ойындарында алғашқы жекпе-жегін сәтті өткізді, деп хабарлайды ҚазАқпарат тілшісі.

бокс
Фото: sports.kz

Қазақстандық боксшы 1/8 финалда қытайлық Пейчен Ваннан 4:0 есебімен басым түсті.
Нәтижесінде ол ширек финалға жолдама алды.

Айта кетсек, Асланбек Шымбергенов биыл Өзбекстанда өткен әлем чемпионатында жеңіс тұғырынан көрінді. Сондай-ақ, ол 2018 жылы Азия ойындарында күміс жүлдегер атанса, 2017 жылы Бүкіләлемдік әскери ойындарда чемпион болды.

Енді ол ширек финалда 30 қыркүйекте өзбекстандық Асадхуджа Муйдинхуджаевпен шеберлік байқасады.

Бокстан ел құрамасынан Сәкен Бибосынов (51 келі) бүгін, 28 қыркүйекте өзбекстандық Хасанбой Дусматовке есе жіберіп қойды.

Еске салсақ, бұдан бұрын ел құрамасынан Назым Қызайбай Азия ойындарын жеңіспен бастады.

Соңғы жаңалықтар