Азық-түлік келісім шарт корпорациясы облигацияларын толық өтеді
АСТАНА. ҚазАқпарат - 2018 жылдың 28 желтоқсанында «Азық-түлік келісім шарт корпорациясы» ҰК» АҚ Қазақстандық қор биржасында орналастырылған өзінің облигацияларын толық өтеді.
Жеке алғанда, ҰСН KZ2C0Y07E152 (коды PRKRb5) компанияның облигациялары бойынша сомасы 33,3 млрд. теңге номиналды құнын, сондай-ақ сомасы 1,25 млрд. теңге купонды толық төлеу жүзеге асырылды.
Анықтама:
2018 жылдың ішінде Азық-түлік келісім шарт корпорациясы 15,9 млн. АҚШ доллары сомасында «Аль-Хилял» банкінің және 9 млрд. теңге сомасында «ҚазАгро» ҰБХ» АҚ алдындағы қарыздарды өтеді.
«Азық-түлік келісім шарт корпорациясы» ұлттық компаниясы» АҚ негізгі қызметі еліміздің азық-түлік қауіпсіздігін қамтамасыз етуге қатысу, ішкі астық нарығын тұрақтандыруға және экспорттың дамуына жәрдемдесу. Компанияның жалғыз акционері «ҚазАгро» ұлттық басқарушы холдингі» АҚ болып табылады.
