18:26, 14 Мамыр 2012 | GMT +5
БАӘ-де қырғыз азаматшасын тонады деген күдікпен қазақстандықтар ұсталды - СІМ
АСТАНА. 14 мамыр. ҚазАқпарат - Біріккен Араб Әмірліктерінде қырғыз азаматшасын тонады деген күдікпен қазақстандықтар ұсталды.

Бұл туралы бүгін Сыртқы істер министрлігінде өткен дәстүрлі брифинг барысында ведомствоның ресми өкілі Алтай Әбибуллаев мәлім етті. «Қазақстан азаматтары БАӘ-де қылмыс жасағандары үшін ұсталды. Қырғызстан азаматшасына қатысты залал мөлшері 350 мың долларды құрайды», - дейді ресми өкіл. Оның айтуынша, аталған мәселе бойынша еліміздің Сыртқы істер министрлігі тиісті сұрау жасаған. «Дубай құқық қорғау органдары тарапынан бұл мәселе расталып отыр», - дейді А. Әбибуллаев.