БАӘ шабуылдарына тыйым салуына байланысты АҚШ әскери ұшақтарын Қатарға жіберуде

АҚШ әскери ұшақтары
Фото: The Wall Street Journal

АСТАНА. KAZINFORM – Пентагон Қатарға бұрын Біріккен Араб Әмірліктерінде орналасқан жойғыш ұшақтарды, қарулы ұшқышсыз басқарылатын және басқа да ұшу аппараттарын тасымалдап жатыр, деп хабарлайды The Wall Street Journal басылымы. 

АҚШ қолбасшылығының Қатардағы әл-Удейд әуе базасына қосымша ұшақ жіберу туралы шешімі БАӘ билігінің бұдан былай Йемен мен Ирактағы нысандарға Әбу-Дабидегі Әл-Дафра әуе базасында орналасқан жабдықты пайдаланып әуе шабуылдар жасауға рұқсат бермейтінін жариялауымен байланысты болды. 

БАӘ-нің атап өтуінше, аталған шаралар өзін-өзі қорғау мақсатында және АҚШ-тың аймақтағы әскери операцияларын жеңілдету үшін Иран қолдайтын күштердің нысанасына айналуды қаламау себептеріне негізделген. 

Бұл жағдай Вашингтон мен Парсы шығанағы елдерінің аймақтық қақтығысқа ұласуы мүмкін деп қорқатын кейбір елдер арасындағы шиеленістің артып келе жатқанын көрсетіп отыр.

Соңғы жаңалықтар