Бағдадтағы жарылыс салдарынан 10-нан астам адам қаза тапты
АСТАНА. ҚазАқпарат - Бағдад маңында Мадинат-эс-Садрда автомобильге орнатылған бомба жарылды. Әзірге жапа шеккендер туралы ақпарат әр түрлі. Франс Пресс мәліметінше, ең кемі 12 адам қаза тапты және 35 адам жарақаттанды.
Рейтер ақпаратынша, 16 адам мерт болды, 40-тан астамы жарақаттанды. Ассошиэйтед Пресс хабарлағандай, 14 адам ажал құшты. Әзірге бұл жарылысқа жауапкершілікті ешкім алмады.
Бұл жерде негізінен шииттер (шейіттер) тұрады. Ассошиэйтед Пресс ақпаратынша, адам көп болған базарға кірер жерде жарылды.
Агенттікте жарылыс салдарынан жапа шеккендердің саны әлдеқайда көп болуы мүмкін деп болжап отыр.
