Бағдадтағы жарылыс салдарынан 28 адам көз жұмды
АСТАНА. ҚазАқпарат - Бағдадтағы базар маңында екі бомба жарылды. Әзірге жарылысқа кімдер қатысты екені белгілі болмай отыр. Полиция мен дәрігерлердің хабарлауынша, оқиға салдарынан 28 адам көз жұмып, 60-тан астамы жарақат алған.
Жарылысты жанкештілер жасағаны хабарлануда. Әзірге ешбір лаңкестік ұйым оқиғаға қатысты жауапкершілікті алмады. «Ислам мемлекеті» ұйымы осыған дейін де Бағдадта және басқа да Ирактың қалаларында жарылыс жасаған болатын, деп жазады шетелдік БАҚ.
