09:41, 06 Мамыр 2017 | GMT +5
Бақаны тірідей жұтқан қазақ жігіті жұрттың жүрегін айнытты
АСТАНА. ҚазАқпарат - Қазнетте бақаны тірідей жұтқан жігіттің әрекеті қызу талқыланып жатыр. Видео бір күн бұрын танымал Инстаграм парақшада жарияланды.
Оқиға Қазақстан аумағында түсірілген деген болжам бар. Онда ер адамның тірі бақаны еш қиналмай қылғыта салғаны анық көрінеді. Ал оның қасында тұрғандар өз көздеріне сенер-сенбесін білмей, таңғалысып жатыр.
Ал бас кейіпкер бұл әрекетке емдік мақсатта барып отырғанын қасындағы жолдастарының бірі түсіндіріп жатады: «Керемет бір ем бар екен, асқазанды жазатын...».
Айта кетейік, видеоға адамдар алуан түрлі пікір қалдыруда. Біреулер «ем болсын» деп жатса, енді бірі «ана бақаны итке берсең жемейді» деп жиіркеніш білдіріп жатыр.
ЕСКЕРТУ: Видеода былапыт сөздер бар
Ем болсын 👀
Соңғы жаңалықтар
