Бакуде есірткінің заңсыз айналымына қарсы күрес мәселелеріне арналған халықаралық конференция өтіп жатыр
БАКУ. 17 қазан. ҚазАқпарат /Берік Хамидов/ - Бүгін «Гүлістан» сарайында есірткінің заңсыз айналымына қарсы күрес мәселелеріне арналған халықаралық конференция өз жұмысын бастады.
Іс-шараға Дүниежүзілік кеден ұйымының бас хатшысы Кунио Микурия, БҰҰ Есірткі мен қылмыстар бойынша басқармасының атқарушы директоры Юрий Федотов қатысуда.
Конференцияға қатысушылар негізінен есірткіге қатысты ахуалды және оған байланысты қауіптерді, есірткінің заңсыз айналымына қатысты аймақтық және халықаралық ынтымақтастықты дамыту және нығайту, сонымен қатар басқа да жапсарлас проблемаларды талқыға салуда.
Аталмыш шараны ДСҰ, БҰҰ мен Әзербайжанның Мемлекеттік кеден комитеті ұйымдастырып отыр.
