Бақытбек Смағұл түркістандықтармен кездесу өткізді
ТҮРКІСТАН. ҚазАқпарат - Түркістан қаласына Мәжіліс депутаты, «Qazaqstan Ardagerleri» қауымдастығының төрағасы Бақытбек Смағұл арнайы іссапармен келді, деп хабарлайды ҚазАқпарат тілшісі.
Сапар барысында өңірдегі түрлі қоғамдық ұйым ардагерлерімен кездесу өткізді. Аталған шараға Парламент Мәжілісінің депутаты Берік Бекжанов, облыстық қоғамдық даму басқармасының басшысы Аңсар Өсербаев, Қазақстан Республикасы жергілікті соғыс және Ауғанстан ардагерлер одағының төрағасы Шәріпбай Өтегенов және өңірдегі қоғамдық бірлестіктердің төрағалары мен белді мүшелері қатысты.
Жиында алғаш сөз алған Бақытбек Смағұл ардагерлердің қоғамдағы орнын айқындауға бағытталған жұмыстардың барысы мен алдағы жоспарлары жайлы баяндады.
Сонымен қатар ардагерлердің құқығын қорғайтын барлық қоғамдық ұйымдардың бірігіп, жұмыла әрекет ету керектігін баса айтты.
Жиын соңы пікір алмасуға ұласып, ардагерлер көкейтесті сұрақтарына жауап алды.
Сонымен қатар, жиында белсенді ардагерлерге ҚР Қорғаныс Минстрлігі мен Республикалық одақтың арнайы төсбелгілері табысталды.
Іс-сапар барысында Бақытбек Смағұл облыс жастарымен кездесті.
