Бақытжан Сағынтаев «Бәйтерек» ҰБХ директорлар кеңесінің отырысын өткізді
АСТАНА. ҚазАқпарат - Үкімет үйінде ҚР Премьер-Министрі Бақытжан Сағынтаев «Бәйтерек» ұлттық басқарушы холдингі» АҚ директорлар кеңесінің кезекті отырысын өткізді, деп хабарлайды primeminister.kz.
Отырыс барысында компанияның 2018 жылға арналған жоспарлары қаралды, онда «Қазақстанның даму банкі» АҚ-мен мәміле жасасу шешімі мақұлданды. Мәмілеге сәйкес, «ҚДБ-Лизинг» АҚ (еск. «Қазақстанның даму банкі» АҚ еншілес ұйымы) «Бизнестің жол картасы 2020» бағдарламасы аясында ұзақ мерзімді лизингтік қаржыландыруға несие берілді.
Бұдан өзге, директорлар кеңесі холдингтің 2018 жылға арналған бизнес-процестерінің, тәуекелдер мен бақылауларының матрицасын, ішкі аудит қызметінің 2017 жылдың 4-тоқсанындағы есебін бекітті және «Бәйтерек» холдингі тобының ішкі аудит қызметінің тиімділігі мен жұмыс сапасын сыртқы тәуелсіз бағалау нәтижелерін қарады.
