Бақытжан Сағынтаев «Шелл» компаниясының өкілдерімен кездесті

АСТАНА. ҚазАқпарат - Бүгін Үкімет үйінде Қазақстан Республикасының Премьер-Министрі Бақытжан Сағынтаев «Роял Датч Шелл» концернінің Геологиялық барлау және өндіру бөлімшесінің директоры басшылық еткен «Шелл» компаниясының өкілдерімен кездесу өткізді.

Кездесу барысында Қашаған, Қарашығанақ және Каспийдегі мұнай-газ жобаларының жұмыстары, сонымен қатар «Шелл» компаниясының «ЭКСПО - 2017» халықаралық көрмесіне жаһандық серіктес ретінде қатысу мәселелері талқыланды.