Балабақша меңгерушісі ұлттық қордың 750 мың теңгесін жеп қойған

ҚЫЗЫЛОРДА. ҚазАқпарат-Жалағаш ауданында балабақша меңгерушісінің бала санын 39-дан 60-қа өсіріп көрсету арқылы 751,8 теңге Ұлттық қор қаржысын иемденгені анықталды. Бұл туралы облыстық прокуратураның баспасөз қызметі хабарлады.

Құқық бұзушы қылмыстық жауапкершілікке тартылып, келтірілген материалдық залалдың орнын толтырды. Айта кетейік, жыл басынан бері осы салада 65 тексеру жүргізіліп, 671 заңбұзушылылықты жою жөнінде 112 ұйғарым енгізілді. 3270 кәмелетке толмаған баланың құқықтары қорғалып, кемшілік жібергені үшін 364 тұлға әртүрлі жауапкершіліктерге тартылды.