Балалар мен жасөспірімдер театрында «Бремен музыканттары» ертегісінің тұсаукесері болады
АЛМАТЫ. 29 қараша. ҚазАқпарат - Алматыдағы Ғабит Мүсірепов атындағы Қазақ мемлекеттік академиялық балалар мен жасөспірімдер театрында бүгін «Бремен музыканттары» музыкалық ертегісінің тұсаукесері болады. Юрий Энтин пен Василий Ливановтың бұл туындысы Ағзия Көлбаеваның аудармасымен қойылмақ.
Қоюшы-режиссері ҚР Еңбек сіңірген әртісі, «Құрмет» орденінің иегері Сағызбай Қарабалин. Режиссердің ассистенті Әсет Иманғалиев, көмекшісі Гүлфайруз Смаилова. Қоюшы-суретшісі мәдениет қайраткері Бақыт Сраилов, киім үлгілерінің жетекшісі Ғалымжан Берекешев, биін қойған Қазақстан Жастар одағы сыйлығының лауреаты Жанар Мақашева.
