Балалар мінген автобус апатқа ұшырады, қаза болғандар бар
АСТАНА. 3 қараша. ҚазАқпарат - Ставрополь өлкесінде екі автобустың соқтығысуы салдарынан үш адам қаза болды, тағы үшеуі жарақат алды, деп хабарлады Утро.ру РФ ТЖМ-ға сілтеме жасап.
Апат бүгін таңертең «Кавказ» федералды тасжолында орын алды, шағын автобус пен балаларды Махачкаладан Сочиге алып келе жатқан рейстік автобус бетпе-бет түйіскен.
«Алдын ала мәліметтер бойынша, апаттан алты адам зардап шекті, соның ішінде үшеуі қаза тапса, үш бала ауруханаға жеткізілді», - делінген хабарламада.
