Балаларына алимент төлеуден жалтарған ана 2 жылға бас бостандығынан айырылды - Павлодар облысы
ПАВЛОДАР ОБЛЫСЫ. 11 сәуір. ҚазАқпарат - Шарбақты аудандық сотымен кәмелеттік жасқа толмаған балаларына 3 айдан астам уақыт бойы алимент төлеуден жалтарған 1973 жылғы Светлана Мануйленкоға қатысты қылмыстық іс қаралды,
деп хабарлады мекеменің баспасөз қызметі.
Айыпталушының екі баласын қамқорлығына алған Шарбақтыдағы «отбасылық жағдайдағы балалар үйінің» директоры сотқа қылмыстық іс қозғау жайында арызданған. Бұған дейін Мануйленко соттың шешімімен ата-ана құқығынан айырылып, алимент төлеп тұруы тиіс болатын. Алайда спирттік ішімдікке салынған ол сот шешімінен кейін алимент төлеуден жалтарып жүр.
Мануйленко ҚР ҚК-нің 136 бабының 1 бөлімімен кінәлі деп танылып, 2 жылға бас бостандығынан айырылды.
