Баласымен бірге ойыншық машинамен қала жолында жүрген алматылық іздестірілуде
АЛМАТЫ. ҚазАқпарат - Алматыда ер адам баласымен бірге ойыншық машинамен қала жолдарында жүрді. Полиция тәртіп бұзушыны іздеуде, деп хабарлайды ҚазАқпарат тілшісі.
Адамдардың назарын өзіне аударқан видео әлеуметтік желіде пайда болды.
« Баласымен бірге ойыншық машинамен жүрген адамды кім таниды. Тәртіп бұзушыны білетіндер жазба қалдырыңыздар» - деп жазды желі қолданушылар.
Алматы қалалық Полиция департаменті мәлім еткендей, қазір ойыншық машинамен жүрген адамды іздеу шаралары жүргізіліп жатыр.
