15:32, 26 Қаңтар 2024 | GMT +5
Балет әртісі «Одиссея-Arts» арт-олимпиадасынан жүлдемен оралды
![балет балет](/static/img/plug.webp)
АСТАНА. KAZINFORM – «Астана Опера» театрының балет әртісі Қуат Кәрібаев «Одиссея-Arts» Халықаралық көпжанрлы арт-олимпиаданың «Хореография» номинациясында I дәрежелі лауреаты атанды - деп хабарлады ҚР Мәдениет және ақпарат министрлігінің баспасөз қызметі.
Арт-олимпиадаға отбасылық фольклорлық ұжымдар мен түрлі жастағы нақты орындаушылар қатысты. Олар ұзақтығы 5 минуттан аспайтын, ал «Театр өнері» номинациясында ұзақтығы 10 минуттан аспайтын бір-бір нөмірден ұсынды.
![байқау байқау](https://img.inform.kz/kazinform-photobank/media/2024-01-26/de62b704-22c6-47f4-ae10-b46e4feefcab.jpeg)
«Арт-олимпиаданың ұйымдастырушысы Кремль сарайы сахнасындағы гастроль аясында менің Б.Асафьевтің «Бақшасарай бұрқағы» балетіндегі өнер көрсетуімді көріп, байқауға қатысуға ұсыныс білдірді. Байқауға арналған нөмір А.Аданның «Корсар» балетінен па-де-дені дайындадым. Еңбегімнің халықаралық деңгейде бағаланғанына қуандым, мұндай құрмет әрбір әртісті шабыттандырады», - деді Қуат Кәрібаев.