Балқаштағы оқиға: төрт адамның денесі іздестірілуде
АСТАНА. Сәуірдің 23-і. ҚазАқпарат - Балқаш көлінде катер аударылып, оқиға салдарынан төтенше жағдайлар жөніндегі аумақтық органның қызметкерлері опат болды,
деп хабарлайды ҚазАқпарат Төтенше жағдайлар министрлігінің баспасөз қызметіне сілтеме жасап. Балқаштың Приозер қаласының тұсындағы «Алтын құм» жағажай аумағында кеше, сәуірдің 22-сі күні сағат 14.00-дерде көл үстінде «Казанка» моторлы қайығы аударылып кетті. Оқиға салдарынан Приозер қаласының Төтенше жағдайлар жөніндегі бөлімінің бастығы мен тұлғасы әзірге анықталмаған тағы бір ер азамат ауруханаға жеткізілді. Ал Приозер қаласындағы №47 өрт сөндіру бөлімінің бастығының, осы бөлімнің жүргізушісінің және тағы екі ер азаматтың денелері әлі іздестірілуде.
