Балуан Едіге Қасымбек әлем чемпионатын жеңіспен бастады
АСТАНА. KAZINFORM — Қазақстандық балуан Едіге Қасымбек Астанада өтіп жатқан күрестен әлем чемпионатындағы алғашқы белдесуінде жеңіске жетті.
Еркін күрестен 125 келіге дейінгі салмақта сынға түскен отандасымыз іріктеу кезеңінде Грузия өкілі Александр Абрамишвилимен кездесті.
ҚР ҰОК мәліметінше, нәтижесінде Едіге қарсыласын мерзімінен бұрын 10:0 есебімен жеңіп, 1/8 финалға жолдама алды.
Айта кетейік, Абу-Дабиде өтіп жатқан Grand Slam турнирінде қазақстандық дзюдошы Талғат Орынбасар 60 келіге дейінгі салмақта қола медаль жеңіп алды.
Қазақстан ұлттық құрамасы шорт-тректен Канаданың Монреаль қаласында өтетін әлемдік турдың екінші кезеңінде бақ сынайды.
