Балық аулауға кеткен оралдықтың мәйіті табылды
ОРАЛ. ҚазАқпарат - Оралда балық аулауға кеткен тұрғынның денесі табылды, деп хабарлайды ҚазАқпарат тілшісі.
БҚО ТЖ департаментінің баспасөз қызметінен түскен мәліметіне қарағанда, 1961 жылғы азаматтың денесін құтқарушылар бүгін сағат 12.40-та судан шығарды.
Марқұм қалаға қарасты Круглоозерный кенті тұсында Жайық өзеніне батып кеткен. Оның денесін шығаруға жедел құтқару жасағынан 5 қызметкер 1 техника, 1 жүзу құралымен қатысты.
Еске сала кетейік, бұдан бұрын Оралда 16 маусым күні балық аулауға кеткен тұрғынның табылмай жатқанын жазған болатынбыз.
Биыл осымен өңірде 15 адам суға кетсе, соның үшеуі - балалар.
