Банктердегі жұмыс істемейтін заемдар 4 триллион 158 миллиард теңгені құрайды - ҚР Ұлттық банкінің төрағасы
АЛМАТЫ. 18 желтоқсан. ҚазАқпарат - 1 желтоқсандағы мәлімет бойынша банктердің қоржындарындағы жұмыс істемейтін заемдар 31,4 пайыз болып отыр. Бұл туралы ҚР Ұлттық банк төрағасы Қайрат Келімбетов бүгін Алматыда қаржы нарығындағы ахуал туралы баспасөз мәслихатында айттты.
«Біз екінші деңгейлі банктермен жұмыс істемейтін заемдарды азайтуға келістік. Келесі жылы біз әрбір банкпен жеке-жеке келісім жасаймыз. 2016 жылдан бастап олар кезең-кезеңімен оны 20, 15 және 10 пайызға дейін төмендететін болады», - деді Қ.Келімбетов. Бас банкирдің айтуынша, 2016 жылдың қарашасына дейін нормативтік құқықтық акт қабылданбақ.
